عند غسل الملوخية:

عند غسل الملوخية:
اغسلى الملوخية جيدا واخر غسله حطى معلقة خل اشطفيها وحطيها فى مصفى تصفى كل الميه وتنشف تماما قبل ما تخرطيها علشان الميه بتسبب الرغاوى بعد الطبخ.
🔹️عند عمل البشاميل:
ضيفي عليه نص معلقة صغيرة بيكنج بودر وقلبيها فيه كويس جدا قبل ما توزعيه على سطح صينية المكرونة مباشرة هتاكلى بشاميل كريمى وناعم وخفيف.
🔹️عند عمل محشى الكرنب:
قبل ما تقفلى عليه حطى على وش الحلة معلقتين قشطة بلدى او وش اللبن وغطى وسبيه خمس دقايق واقفلى شمى بقى ريحة المحشى اللى هتملى الدنيا كأنك عملتيه بسمنة بلدى.
🔹️قبل ما تقفلى على الطبيخ:
كوسة أو بامية أو فاصوليا حطى فص ثوم مفروم خمس دقايق واقفلى يا سلام بقى على الجمال والريحة المفحفحة.
🔹️عند عمل الرقاق:
حطى على الدقيق معلقة بيكنج بودر وأعجنيه بيخلية بعد التسويه هش ومش معجن.
🔹️عند عمل السلطة:
ما تحطيش الملح ع السلطة غير عند التقديم ويسلام لو رشة خل وفص توم تبقى حكاية.
🔹️قبل ما تحشى الممبار:
هاتى زجاجة مياة صغيرة وقصى بوزها من قدام واحشى بية هتحشى الممبار فى وقت قياسى ولما تيجى تسوية يغلى غلوة واحدة ووطى علية النار عشان ما يفرقعش.
🔹️عند عمل المهلبية:
حطى على لتر اللبن معلقتين نشا ومعلقتين دقيق وبدل الفانيليا ماء ورد وشوفى الفرق فى الريحة والطعم مهلبية كريمى جميلة جدا.
🔹️عند عمل الأرز باللبن:
حطى معلقتين من جوز الهند فى طاسة وعلى نار هاديه قلبى من غير ما تضيفى اى مادة دهنية هى بتنزل الزيوت اللى فيها وتتحمص فيها زينى بيها الارز باللبن تحفة.
✅️نصيحة مهمة بلاش تبصي لحياة حد غيرك لان العين الناقصة هتشوف حياتها مش حلوه🤍
حياتك اكيد حلوه بس بصتك لغيرك هتلاقيها ناقصة🤔
صلوا على الحبيب المصطفى 📿صلى الله عليه وسلم❤️❤️ بحبكم فى الله
رد