منال سعيد
باذنجان مقلي بالخلطة والدقة 🍆🧄🌶️
🍆🍆🍆
المقادير:
2 حبة باذنجان رومي كبير متقطع دواير سمكها متوسط 🍆
راس توم كاملة مفرومة ناعم 🧄
2 قرن فلفل حامي أحمر أو أخضر مفرومين ناعم
(شطة حسب رغبتك )
1 قرن فلفل رومي أخضر مفروم 🫑
1 حبة طماطم متقطعة مكعبات صغننة أوي 🍅
ربع كباية خل أبيض نقي 🍶
عصير ليمونة كبيرة معصورة فريش 🍋
معلقة صغيرة كزبرة جافة مطحونة ✨
معلقة صغيرة كمون ناعم 🌿
ملح وفلفل أسود ورشة سكر خفيفة تكسر حدة الليمون 🧂
زيت غزير للقلي 🍳
الطريقة:
رشي رشة ملح على دواير الباذنجان وسيبيه في مصفى 15 دقيقة ينزل ميته علشان ما يشربش ولا نقطة زيت، ونشفيه كويس بمناديل مطبخ 🧻.
انزلي بشرايح الباذنجان في زيت سخن وغزير لحد ما ياخد لون دهبي يجنن ويستوي ويبقى زبدة من جوه 🤤، وطلعيه يصفّي على مناديل.
جهزي الدقة: في بولة اخلطي التوم المفروم مع الفلفل الحامي والرومي، ومكعبات الطماطم، والخل، وعصير الليمون، والكمون، والكزبرة، والملح والسكر 🥣.
رصي الباذنجان وهو سخن في طبق التقديم ووزعي على كل شريحة معلقة كبيرة من الدقة وسيبيه يشرب التتبيله 😋
