منال سعيد
🔹وأنتى بتعملى العدس حطى شوربة فراخ أول لحمة أو اى شوربة عندك بدل الميه بتدى ليه طعم أحلى لان العدس بيحب الدسم.
🔹وأنتى بتعملى الكشرى أسلقى العدس نص سلقه علشان يكمل تسويه مع الارز من غير ما يتهرى ويبقى مفلفل.
🔹وأنتى بتعملى البليلة حطى ربع كوب أرز وهى بتستوى علشان الأرز بيخلى ميه البليلة ليها قوام.
🔹وأنتى بتقلى السمك حطى نص ليمونة فى الزيت علشان يمتص الريحة أثناء القلى.
🔹وأنتى بتسلقى البيض لو طلع مشروخ حطيه فى مصفى تحتها خلة فيها ميه وحطى غطاء على المصفى وسيبى البيض يتسلق على البخار لمدة عشر دقائق هيسلق من غير ما يفضى.
🔹وأنتى بتدمسى الفول حطى كوب من قمح البليلة بتدى قوام وطعم وريحة جميلة للفول المدمس.
🔹وأنتى بتشوى السمك أدهنى الصينية معلقتين زيت وبعد كده رصى السمك بالردة علشان السمك ميلزقش ولا الردة تتحرق وتعمل دخان.
🥰نبص لنفسنا شويه🥰
🔹لو بشرتك مرهقة حطي معلقة نشا + ماء ورد كقناع 10 دقايق👈هتشدي البشرة فورًا.
🔹خلي عندك مكعبات قهوة مجمدة مرريها على وشك الصبح👈تفتيح + شد للبشرة.
🔹لو شعرك هايش نقطة سيرم أو زيت خفيف على إيدك وامسحي بس الأطراف👈هيمنع الهيشان وهتحسى بفرق رهيب.
أيه اكتر نصيحة عجبتكم من نصائح اليوم🤔
ومتنسوش الصلاة على الحبيب المصطفى❤️
