منال سعيد
وانتى بتعملى الكشرى الأصفر بلاش تغسلى العدس على الرز وتنزلى بيهم مرة واحدة على النار 🤔 الطريقة دى بتخلى العدس بيعجن🤨
هاتى بصلة وحمريها فى الزيت اغسلى الرز وقلبيه مع البصل وضيفى الملح وشوية كمون قلبى شويه وضيفى الميه وسبيه يغلى على نار عاليه ولما الرز يتشرب نص الميه اغسلى العدس وانزلى بيه قلبى ووطى النار لحد ما بستوى بكده هيطلع معاكى الكشرى مفلفل والعدس ميتعجنش تركاية بسيطة ولكن بتفرق👌
اعملى جنب الكشرى سلطة وبيض مسلوق وبطاطس محمرة وبتنجان مخلل وعيشى بقى🤩
أحلى اكلة بالنسبالى🥰
هستنى رأيكم ومتنسوش اللايك والمتابعة ليصلكم كل المنشورات الجديدة 🥰
