السمك المقلى بيشرب زيت:

👉السمك المقلى بيشرب زيت:
حطى مع الدقيق معلقتين بقسماط لكل كوب دقيق هيخلى السمك مقرمش ولونه ذهبى من غير ما يشرب زيت.

👉البتنجان المقلى بيشرب زيت:
غلفى البتنجان بدقيق وأقليه فى زيت ساخن وطلعيه على مصفى الدقيق هيقفل مسام البتنجان ومش هيخليه يشرب ودزيت.

👉الأرز بيطلع معجن:
حطى معلقتين زيت مع معلقة السمنة وشوحى الأرز كويس حطى لكل كوب أرز مصرى كوب ميه ووطى عليه أول ما يتشرب الميه وقلبيه بشوكة وبعد ما يستوى وربى الغطاء علشان البخار الزيادة يطلع منه ويبقى مفلفل.

👉كفتة الأرز بتشقق منك:
وأنتى بتفرمى الكفتة حطى شوية شعرية مع الارز وباقى المكونات الشعرية هتخليها مش تشقق أبدا.

👉الملوخية بتسقط فى الحلة:
حطى الملوخية المتخرطة فى الحلة وانزلى عليها بالشوربة بالتظريج لحد ما تلاقى القوام مظبوط واول ما تغلى غلوة واحدة اقفلى النار وشيلى الحلة وحطيها على الرخامة ووربى الغطاء علشان توقف تسويه.

👉صينية البطاطس بتتهرى منك:
لما تسوى البطاطس سويها بنسبة ٨٠٪
واقفلى عليها هتكمل تسويه من البخار لو سوتيها تسويه كلملة البخار هيخلها تتهرى.

👉ورق الكرنب المفرز بيجلد منك:
لما تطلعيه من الفريزر حطيها فى ميه بتغلى لمدة دقيقة وحطيه فى المصفى ولفى ورق الكرنب على طول تكونى مجهزة الخلطة وتكون باردة علشان ميجلدش.

👉المكرونة البشاميل لو باتت بتجمد:
حطى معلقتين نشا و٣ معالق دقيق لكل لتر حليب علشان البشاميل لو بات ميجمدش النشا بيخليه كريمى حتى لو بات.

لو استفتدوا ادعولى دعوة حلوة❤️
صلوا على الحبيب المصطفى💓