منال سعيد
مسقعة الباذنجان والبطاطس والفلفل 🍆🥔🫑
الصينية اللي بتدفي القلب وتفتح النفس،❤️😍
المقادير:
3 حبات باذنجان رومي كبير (مقطع مكعبات أو حلقات) 🍆
2 حبة بطاطس (مقطعة صوابع تخينة شوية) 🥔
4 قرون فلفل أخضر رومي وحامي (مقطع) 🫑🔥
1 بصلة متوسطة مفرومة 🧅
5 فصوص ثوم مفرومين 🧄
2 كوب عصير طماطم فريش 🍅
2 معلقة كبيرة صلصة طماطم جاهزة 🥫
3 معالق كبار خل 🥃
ملح، فلفل أسود، كمون، رشة سكر (عشان الحموضة) 🧂
زيت للقلي 🏺
الطريقة:
1. رشي ملح على الباذنجان وسيبيه ينزل ميته، بعدين اقلي البطاطس لحد ما تاخد لون خفيف، واقلي الفلفل، واقلي الباذنجان وخليهم على جنب في مصفاة أو على مناديل. 🍆🥔🫑
2. الصلصة (التسبيكة): في حلة، حطي شوية زيت وشوحي البصلة لحد ما تدبل، بعدين انزلي بالثوم المفروم وقلبي لحد ما تطلع ريحته الحلوة. 🧅🧄
3. طشي الثوم والبصل بالخل (الريحة خيااال! 🤤)، بعدين انزلي بعصير الطماطم والصلصة والبهارات ورشة السكر.
4. سيبيهم يغلوا على نار هادية لحد ما تتسبك والصلصة تتقل شوية. 🍅
5. في طاجن فخار أو صينية، رصي طبقة من الباذنجان والبطاطس والفلفل المقليين، وصبي فوقهم الصلصة المتسبكة. 🥘
6. دخلي الصينية فرن سخن على حرارة 180 لمدة 20 دقيقة، وافتحي الشواية في الآخر عشان الوش ياخد لون ويتحمر ويشكشك. 🔥
7. قدميها دافية أو باردة (بتبقى أحلى وأحلى تاني يوم!). 😍
رمضان حلمي
