دي أكلة جميلة وناس كثير بتحبها😍
بطاطس محشية باللحمة المفرومة في الفرن 🥔🥩 حاجة تشرفك فى العزومات👌
📝 المقادير:
½ كيلو بطاطس صغيرة 🥔
¼ كيلو لحمة مفرومة 🥩
1 بصلة صغيرة مفرومة 🧅
2 فص ثوم مفروم 🧄
2 كوب عصير طماطم 🍅
1 ملعقة كبيرة صلصة
ملح + فلفل + بهارات لحمة
رشة بابريكا
2 ملعقة زيت
👩🍳 الطريقة:
1️⃣ قشّري البطاطس واعملي فيها حفرة صغيرة من فوق
2️⃣ اسلقيها نص سلقة بس (علشان تستوي بسرعة) 🥔
3️⃣ شوّحي البصل في الزيت لحد ما يدهب
4️⃣ ضيفي اللحمة وقلّبي لحد ما تستوي
5️⃣ ضيفي الثوم + الملح + الفلفل + البهارات
6️⃣ احشي البطاطس باللحمة المفرومة
7️⃣ في صينية حطي عصير الطماطم + الصلصة + التوابل
8️⃣ رصي البطاطس في الصينية
9️⃣ دخّليها الفرن 30 دقيقة لحد ما تستوي وتتشرب الصوص
😋 نصايح:
✔️ ممكن تحمّري وشها تحت الشواية في الآخر
✔️ لو عايزة طعم أغنى ضيفي مكعب مرقة
✔️ رشة بقدونس في الآخر بتدي شكل وطعم حلو 🌿
منال سعيد
