عجة البيض بالخضار 🍳🌿

“عجة البيض بالخضار 🍳🌿
المقادير:
6 بيضات.
حزمة بقدونس وحزمة شبت مفرومين ناعم.
بصلة كبيرة مفرومة متشوحة لحد ما تدبل.
طماطماية متقطعة مكعبات صغيرة.
فلفل رومي متقطع.
3 معالق كبار دقيق + نص معلقة صغيرة بيكنج بودر (عشان تبقى هشة).
ملح، فلفل أسود، كمون، كزبرة ناشفة.
الطريقة:
في طبق كبير، اضربي البيض مع الملح والفلفل والبهارات كويس جداً 🥣.
ضيفي البصل المتشوح (بعد ما يبرد)، والطماطم، والفلفل، والخضرة المفرومة وقلبي.
قلبي الدقيق مع البيكنج بودر وضيفيهم للخليط واضربي لحد ما يختفوا تماماً.
في صينية مدهونة زيت وسخنة، صبي الخليط ودخليها فرن سخن (180 درجة) لحد ما تستوي وتتحمر من الوش .
قطعيها مربعات وقدميها مع عيش بلدي ومخلل 😋.
بالف هنا ❤️