طريقة عمل الجلاش بالكريمة الكدابة 🍎—

🍎 طريقة عمل الجلاش بالكريمة الكدابة 🍎
———————-👇 —————————-

🍎 المكونات :

1 لفة جلاش
½ كوب سمن سايح

🍎 للكريمة الكدابة :

2 كوب لبن
2 ملعقة كبيرة نشا
2 ملعقة كبيرة دقيق
3 ملعقة كبيرة سكر
1 ملعقة صغيرة فانيليا

🍎 الشربات :

1 كوب سكر
½ كوب ماء
عصرة ليمونة
فانيليا (اختياري)

♥️ اكلات شهية و حلويات و معجنات ♥️

🍎 طريقة التحضير :

🌻 1️⃣ الكريمة الكدابة :

نخلط اللبن + النشا + الدقيق + السكر كويس و بعدين نرفعهم على نار متوسطة مع التقليب المستمر لحد ما القوام يصبح ثقيل و بعدين نطفي النار و نضيف الفانيليا و نسيبها تهدى.

🌻 2️⃣ تجهيز الصينية :

ندهن الصينية سمن و نفرد 3 ورقات جلاش و ندهن بينهم سمن و نفرد طبقة كريمة و نكرر (3 ورق + كريمة) لحد ما نخلص الكمية و نختم بطبقة جلاش و ندهن الوش سمن كويس.

🌻 3️⃣ التقطيع :

نقطع الجلاش مربعات بسكينة حادة قبل الفرن.

🌻 4️⃣ التسوية :

يدخل فرن 180° من 25 لـ 30 دقيقة لحد ما يتحمر و يصبح لونه دهبي.

♥️ اكلات شهية و حلويات و معجنات ♥️

🌻 5️⃣ الشربات :

نغلي السكر و المياه حوالي من 7–10 دقايق على النار و نضيف الليمون و الفانيليا و نسيبه يبرد.

🌻 6️⃣ نضيف الشرابات ازاي 🤔

الجلاش سخن + الشربات بارد خلي بالك علشان الجلاش مايعجنش منك و نسيبه يشرب و يهدى و نقدمه مع عصير مانجو او برتقال تحفة بجد خلي بالك التركاية دي بتفرق ♥️

🍎 تكات النجاح :

ما تكثريش كريمة علشان يطلع مظبوط متماسك و نخلي بالنا التقطيع قبل الفرن سر الشكل الحلو و ينفع ترشي فستق أو جوز هند على الوش و ممكن تزودي سوداني مجروش او مكسرات مع الكريمة رهيبة بجد و بالف هنا.