🧑🍳 طريقة عمل كنافة مبرومة بالقشطة و المكسرات 🧑🍳
———————————-👇—————————–
🧑🍳 المقادير :
نص كيلو كنافة شعر طويلة (أهم حاجة تكون طويلة عشان تعرفي تبرميها)
كوباية سمنة بلدي سايحة
كوباية قشطة بلدي أو قشطة حلويات جاهزة
نص كوباية مكسرات مشكلة مجروشة (فسدق و لوز و عين جمل و سوداني و زبيب)
شربات تقيل و بارد.
🧑🍳 اكلات شهية و حلويات و معجنات 🧑🍳
🧑🍳 الطريقة :
هاتي الكنافة الطويلة و افرديها كويس أوي على سطح نضيف و ممكن ترشي عليها رشة سمنة خفيفة.
كمية مناسبة من القشطة اخلطيها مع المكسرات المجروشة.
خدي جزء من الكنافة افرديه على شكل مستطيل و حطي في نصه حشو القشطة و المكسرات على شكل خط طولي.
ابرمي الكنافة كويس أوي و ضيقيها عشان الحشو ميتفكش منها و لفيها رول متماسك.
قطعي الرول ده صوابع بالحجم اللي تحبيه و رصيها في صينية مدهونة سمنة.
صبي باقي السمنة السايحة على وش صوابع الكنافة و لازم تتشرب السمنة كويس أوي.
🧑🍳 اكلات شهية و حلويات و معجنات 🧑🍳
دخليها فرن سخن على درجة حرارة 180 لحد ما تاخد لون دهبي غامق و جميل.
أول ما تطلع من الفرن و هي سخنة مولعة اسقيها بالشربات التقيل البارد فوراً.
نتركها تبرد خالص عشان تبقى مقرمشة و متماسكة قبل التقديم وبالف هنا و شفا.
🧑🍳 لو عجبكم المنشور ادعموني بلايك للمنشور و متابعة لصفحتي علشان يوصلكم كل جديد و اعملوا مشاركة للمنشور و إشارة إلى كل اصدقائكم خلي الكل يستفيد
منال سعيد
