آلاء زاهر
أعلن علي معلول لأعب للقلعة الحمراء عن قيده مع فريق الأهلي محلياً وقارياً، وقال انا مكمل مع النادي الاهلي وبوعد كل الجماهير أنكم هتشوفوا علي معلول بتاع زمان، انا راجع البس تشيرت الاهلي لسنين طويلة جاية ان شاء الله.
واضاف التونسي انا مستغرب من الكلام اللي بيتقال علي كولر، الراجل بيحبني والمعاملة بيني وبينه حتى خارج الملعب كويسة، مفيش مشاكل نهائي ولا اي شئ، وكل يوم بنضحك مع بعض وانا مستغرب زي زيك من التصريحات.
وتحدث معلول عن ارتداء شارة قيادة الاحمر، “شرف ليا اني لبست شارة قيادة النادي الأهلي وكان يوم مميز ليا واليوم ده عمري ما انساه، اللي الجماهير عملته في المدرج اليوم ده خلاني احس اني في عالم تاني وحتى لما رجعت البيت مكنتش مصدق اللي حصل من الفرحة اللي شفتها في عيون الناس والفرحة اللي شفتها في المدرج حاجة تخليني اعتز بوجودي في النادي الأهلي”.
وأضاف لاعب الأهلي عن ما حدث مع الكابتن محمد رمضان، قالي تعالى عايزك انت شايف المرحلة دي تمشي ازاي، قلتله اخلص فترة التأهيل وانزل التمرين مع الفرقة وبعد كدة وشوفو القرار المناسب، وقلتله انا واثق من نفسي و عارف نفسي كويس لو نزلت الملعب هكمل في الاهلي، والحمدلله انا كل يوم في التمرين بكون احسن من اللي قبله والدكتور واللاعيبة حتى شايفني يوم عن يوم بكون احسن ، انا جاهز اكون في قايمة اي ماتش.
وقال التونسي عن رئيس نادي الاهلي: تربطني علاقة حب واحترام مع الكابتن الخطيب، هو يعرف مدى حبي للنادي الأهلي والتضحيات التي قمت بها للتواجد في النادي، الخطيب كان معي أثناء إجراء العملية، وقالي “مش هسيبك وأنت واحد من أبناء النادي”.
وتحدث الشناوي عن علي معلول قائلا: “معلول سمع خبر حلو النهاردة، انا كنت عارف الخبر من بدري وانا اكتر واحد كنت سعيد انه موجود مع فرقته، انا وعلي دخلنا النادي مع بعض من 9 سنين ومينفعش علي كان يخرج بشكل مش كويس من الأهلي، علي يستحق يكون موجود لان الجيل دا عمل كتير.
واضح التونسي عن نهائي أفريقيا: انا ومحمد عبدالمنعم عشنا اسبوع صعب بعد ماتش الوداد الاول في القاهرة في نهائي افريقيا لاننا اتسببنا في الجون اللي دخل فينا، انا وهو عيشنا اسبوع الوقت وطول الاسبوع كنا ساكتين وكنت خايف ابقى سبب خسارة البطولة مكانش ينفع نخسر من نفس الفرقة سنتين ورا بعض، في الماتش هناك لما جه الكورنر منعم قالي العب ع القريبة وملكش دعوة قلتله ولو ضاعت، قالي العبها بس ولما لعبتها وجابها جه عليا وفضل يشدني من التيشيرت ويصرخ ويقولي قلتلك العبها ع القريبة ومالكش دعوة.
رمضان حلمي
منال سعيد
