منال سعيد
❤️ اللانشون البيتي الاقتصادي من غير بيض ولا جيلاتين
وهيوفر معاكي جدًا، ومكوناته بسيطة وطعمه حلو وقوامه ناعم 😍👌
لو نفسك تعملي لانشون في البيت وتبقي عارفة كل مكون فيه، جربي الطريقة دي 👇
🥩 المقادير:
🔹 ½ كيلو صدور فراخ
🔹 ½ كوب تلج مجروش
🔹 ½ كوب نشا
🔹 2 ملعقة كبيرة زيت
🧂 التوابل:
🔸 1 ملعقة صغيرة ملح
🔸 1 ملعقة صغيرة فلفل أسود
🔸 1 ملعقة صغيرة توم بودر
🔸 1 ملعقة صغيرة بصل بودر
🔸 1 ملعقة صغيرة بابريكا
🔸 1 ملعقة صغيرة بهارات فراخ
🔸 رشة حبهان بودر
🔸 مرقة فورية حسب الرغبة
للتغليف – اختياري:
رشة بابريكا + رشة زعتر
👩🍳 الطريقة:
1️⃣ تجهيز الفراخ
اغسلي صدور الفراخ وجففيها كويس، وحطيها في الفريزر حوالي ساعتين، لحد ما تبقى باردة ومتماسكة من غير ما تتجمد تمامًا.
من صفحه اكل زمان مع ايمان
2️⃣ فرم الفراخ
قطعي الفراخ قطع صغيرة وحطيها في الكبة، وضيفي عليها التلج المجروش واضربي كويس جدًا لحد ما الفراخ تبقى ناعمة.
❄️ التلج بيساعد إن الخليط يفضل بارد ويديكي قوام ناعم ومتجانس.
3️⃣ إضافة باقي المكونات
ضيفي النشا والتوابل كلها، واضربي الخليط كويس جدًا لحد ما يبقى ناعم ومتماسك.
وفي الآخر ضيفي الزيت واضربي ضربة أخيرة.
4️⃣ تشكيل اللانشون
افردي الاسترتش راب ورشي عليه، لو حابة، بابريكا وزعتر.
حطي خليط الفراخ وشكليه رول أسطواني، ولفيه بإحكام شديد مع إخراج الهواء قدر الإمكان.
وبعدين لفي الرول كويس في ورق فويل.
♨️ 5️⃣ التسوية
حطي مياه في حلة وسيبيها تغلي، وحطي فوقها مصفاة مناسبة بحيث الرول مايلمسش المياه مباشرة.
ولو معندكيش مصفاة مناسبة، ممكن تحطي طاجن أو طبق مقلوب يتحمل الحرارة داخل الحلة، وتحطي الرول فوقه.
غطي الحلة وسيبيه يتسوى على البخار.
بعد الغليان، سيبيه حوالي 30 دقيقة، وبعدها لفي الرول على الناحية التانية وسيبيه حوالي 30 دقيقة كمان.
⚠️ مهم جدًا: الوقت ده مناسب للرول المتوسط، لكن لو الرول تخين جدًا ممكن يحتاج وقت أطول.
وعلامة التسوية إن الرول يكون متماسك تمامًا من الداخل، ومفيش أي جزء نيّ أو لونه وردي، والعصارة اللي بتخرج منه تكون صافية.
6️⃣ التبريد
بعد ما يستوي، سيبيه يبرد تمامًا، وبعدها دخليه التلاجة لعدة ساعات، والأفضل لليوم التالي.
تاني يوم طلعيه وقطعيه شرائح… وهتلاقيه متماسك وبيتقطع معاكي بكل سهولة 😍❤️
🥪 ينفع للفطار والسندوتشات واللانش بوكس، وكمان هيوفر معاكي جدًا.
جربوه وقولولي رأيكم ❤️
صلوا على الحبيب المصطفى صلى الله عليه وسلم 🥰
رمضان حلمي
