في إطار دعم المواهب الشابة، لفت نظري مشروع تخرج متميز لطلاب كلية الإعلام وفنون الاتصال بجامعة 6 أكتوبر (قسم الإذاعة والتليفزيون). *فيلم بعنوان (كراسة دافنشي).*
المتميز في الفيلم ده هو أن علي الرغم من انه مشروع طلابي إلا أنه يُعتبر من أوائل الأعمال الي بتسلط الضوء علي موضوع لا يحظى بالاهتمام الكافي أو التوعية اللازمة في المجتمع المصري
الفيلم ده هو فيلم وثائقي درامي بيقتحم ملف من من أهم الملفات الإنسانية و الإجتماعية و التعليمية في مصر . وبيناقش بالتحديد قضية إضطراب *مش كتير سمعو عنه* علي الرغم من تأثر فئة كبيرة به في المجتمع المصري، وبيرصد لأول مرة بعمق إنساني وفني التحديات اللي بتواجه المصابين بالاضطراب ده في مصر سواء فالمدارس او الحياة .
واللي يخلينا نفخر أكتر بالعمل ده، إنه نتاج فكر ومجهود شباب واعد من كلية الإعلام وفنون الاتصال – جامعة 6 أكتوبر (قسم الإذاعة والتليفزيون). جيل بيبني وعي حقيقي للفن الهادف.
وطبعاً العمل ده خرج للنور بدعم وإشراف قامات أكاديمية و إعلامية كبيرة:
تحت رعاية الأستاذة الدكتورة/ دينا فاروق أبو زيد (عميدة الكلية).
وبإشراف أكاديمي دقيق من: د/ محمد صلاح، م.م/ ريم المصري، وأ/ عمر السيد.
بالإضافة للإشراف الخارجي المتميز من الأستاذ/ محمد سمير.
التوليفة دي بين حماس الشباب وخبرة الأساتذة هي اللي خلت (كراسة دافنشي) مشروع ملوش مثيل في مجاله.”
(كراسة دافنشي) بيقدم رسالة مباشرة لكل المؤسسات التعليمية و المعنية في مصر بإن الوعي المبكر هو اللي بيفتح للأطفال دي أبواب كان ممكن تفضل مقفولة طول العمر.
والفيلم ده خطوة جادة لتغيير الواقع ، ودعوة لكل معلم ومسؤول إننا نبني نظام تعليمي يحتضن كل العقول ، وبتثبت إن شبابنا في اعلام جامعة 6 أكتوبر قادرين يقدموا فن بيبني وعي حقيقي وبيرسم طريق لمستقبل أفضل.
كل التحية والتقدير لطلاب جامعة 6 أكتوبر على المجهود المشرف ده.. انتظروا (كراسة دافنشي)، لأنه هيفتح آفاق جديدة لم تفتح من قبل
رمضان حلمي
