سلطة بابا غنوج مدخنه وكريمي بالطحينه 🥗

سلطة بابا غنوج مدخنه وكريمي بالطحينه 🥗✨
❤️😋
المقادير:
2 حبة باذنجان رومي كبار ومظبوطين 🍆
3 معالق كبار طحينة خام بيضاء 🥣
2 معلقة كبيرة زبادي بلدي (بيخلي لونه فاتح وقوامه كريمي وناعم جداً) 🥛
2 فص توم مهروسين ناعم خالص 🧄
عصير ليمونة كاملة 🍋
معلقة كبيرة خل 🍶
معلقتين كبار زيت زيتون بكر 🫒
ملح، كمون، ورشة شطة وبابريكا خفيفة 🧂🌶️
شوية بقدونس مفروم للتزيين 🌿
الطريقة:
اخرمي الباذنجان بالسكينة كذا خرم، وحطيه يشوي مباشرة على عين البوتاجاز من فوق مع التقليب المستمر لحد ما قشرته تسود ولحمه يطرى خالص ويشرب ريحة الشوي والتدخين 🔥.
حطي الباذنجان في كيس مقفول 5 دقايق عشان يعرق، وقشريه بسهولة وشيلي القشرة المحروقة 🧻.
اهرسي قلب الباذنجان بالشوكة في طبق عميق (بلاش خلاط علشان يحتفظ بقوامه المظبوط) 🍴.
في بولة تانية، فكي الطحينة بالليمون والخل والزبادي والتوم والملح والكمون لحد ما تديكي صوص ناعم وأبيض، وانزلي بيه على الباذنجان المهروس وقلبيهم سوا كويس 🥣.
افردي البابا غنوج في طبق التقديم وزينيه بخطوط زيت زيتون ورشة بابريكا وشوية بقدونس فريش 🌿✨.