منال سعيد
🌭 اللانشون البيتي الاقتصادي والصحي 🤎
من غير بيض ولا جيلاتين، وطعمه حلو جدًا وينفع للفطار والسندوتشات 👌
📝 المقادير:
- ½ كيلو صدور فراخ
- ½ كوب تلج مجروش
- ½ كوب نشا
- 2 م.ص ملح
- 2 م.ص فلفل أسود
- 2 م.ص بودرة ثوم
- 2 م.ص بودرة بصل
- 2 م.ص بابريكا
- 2 م.ص بهارات فراخ
- 2 م.ص رشة حبهان بودر
- 2 م.ص مرقة فورية
- 2 ملعقة كبيرة زيت
- زعتر وبابريكا للتغطية
👩🍳 الطريقة:
1️⃣ اغسلي صدور الفراخ كويس، وحطيها في الفريزر لمدة ساعتين، وبعدها قطعيها قطع صغيرة.
2️⃣ حطي الفراخ في الكبة، وضيفي عليها ½ كوب تلج مجروش واضربيهم كويس لحد ما الخليط يبقى ناعم.
3️⃣ ضيفي ½ كوب نشا والملح والفلفل الأسود وبودرة الثوم والبصل والبابريكا وبهارات الفراخ والحبهان البودر والمرقة الفورية، واضربي كل المكونات في الكبة كويس.
4️⃣ في الآخر ضيفي معلقتين زيت واضربي الخليط مرة كمان لحد ما يبقى ناعم ومتجانس.
5️⃣ افردي قطعة من ورق الاسترتش،، وحطي خليط الفراخ عليها ولفيه رول محكم جدًا. لفيه كويس بالاسترتش، وبعدها لفيه كمان بورق فويل.
6️⃣ في حلة حطي مياه مغلية، وحطي فوقها مصفاة، وضعي رول اللانشون فوق المصفاة عشان يتسوى على البخار.
ولو معندكيش مصفاة، ممكن تحطي طبق أو طاجن مقاوم للحرارة فوق المياه، وتحطي رول اللانشون عليه.
7️⃣ غطي الحلة وسيبيه على النار بعد الغليان لمدة ساعة؛ نص ساعة على ناحية، وبعدها اقلبيه على الناحية التانية لمدة نص ساعة.
8️⃣ بعد ما يستوي، سيبيه يبرد خالص، وبعدها دخليه التلاجة.
9️⃣ تاني يوم طلعيه وقطعيه شرائح، وهتلاقيه بيتقطع معاكي بكل سهولة 😍🤎
لانشون بيتي بمكونات بسيطة واقتصادية 👌
رمضان حلمي
