إن التعامل مع شخصية معقدة وليس لها مفاتيح واضحة مثل “نرجس”،
كان لازم يكون في وحش قوي له أنياب أدائية وعشان يقف  قدامها ويكون متمكن طبيعي جدا يكون حمزة العيلي هو أول إختيار ليضاهي القوة الفنية المقابلة له
لم أبالغ لما قولت أنة وحش تمثيل بالمعنى الصحيح وإنة قادر علي إستخدام شخصيتة بمختلف أدواتها ويوصل للناس بسهولة .

وفي كل مشهد كانت قصادة ريهام عبد الغفور
كان هناك صراع فني وأدائي مميز وراقي فية ثقة تمكن إحترافي كبير يضيف للشخصية ويقنعك بكل حرف في المشهد ويؤكد إننا في ساحة نزال بين عملاق كبير وفنانة موهوبة

أداء فيه قوة وثبات إقناع وحضور مختلف …
هدوء نسبي ومقدمة لعاصفة فنية في حوارهم …
وقدر يخلي كل لحظة بينه وبين نرجس تبدو كأنها صراع نفسي بحت .. صراع فيه تشغيل كل وسائل عدم التوازن النفسي ومحاولة إنتصار عقلي للشخصية..

حمزة العيلي مش ممثل عادي .. لكن نظراتة وتحركاتة قيمة مضافة لدورة
هو يضع الشخصية في هدوء صوتة وقوتة في نفس الوقت وفي نظراتة ، وفي إنكساراتة . ردود أفعالة في كل موقف وكل مشهد حمزة العيلي بيرسم تابلوة جديد مع كل تحرك لية قدام الكاميرا بيوصل رسائل حتي في أبسط كلماتة

ومشاهدة مع الفنانة ريهام عبد الغفور
ليست مجرد أداء عادي بين شخصيتين …

بل لقاء تمثيلي دسم جدا مليئ بكل ماهو ممتع ومناسب للإقناع بتفاصيل المسلسل وتجعلك تنتظر ماذا سيحدث في المشهد القادم .

ومن شخصية لشخصية ومن خطوة لخطوة حمزة العيلي قادر يخليك تقول إنة فنان عملاق ووحش كاسر في ساحة لن يتمكن من دخولها سوي الأقوياء بأفضل أداء

حمزة العيلي متنوع بكافة أفكارة وحضورة دراما صعبة وحزينة تلاقية قادر إنة يقنعك بيها بأدواتة في الشخصية…
وهتلاقية في الكوميديا خفيف وهادف وغير مصتنع.

الكوكتيل الجميل دة مش سهل إنك تلاقية في نجم واحد بس عند حمزة العيلي هتلاقي كل الإمكانيات المتاحة للفن الراقي دون إسفاف ..
لأنة حرفيا متمكن من كل أدواته جيداً.

عشان كده حمزة العيلي لما قولت إنة وحش تمثيل دة لأنة بيمشي خطوات فنية ليها ثقل راقي وإختيار لية منهج وفكر وليس عشوائي عشان كدة هتلاقي فيها أداء ونجاح متزايد كل مرة.

ممثل كبير .. وفي خلال الفترة المقبلة هيكون في حتة تانية أكبر وأكبر لأنة عندة مساحة مميزة ورؤية واضحة في إختيار أدوارة ..
وواثق إنة في دورة اللي جاي هيكون أقوي وأكبر وأشرس

لأنة وحش كبير في التمثيل… إنة الفنان الجميل..

حمزة العيلي …