لازم تقرأي الكلام ده قبل ما تعملي نواعم العيد ملف كامل بكل التفاصيل والمقادير بالمللي وبتجارب السنين عشان تطلعي حاجة أحسن من أكبر حلواني
🌙 أولاً: كحك العيد (الدايب دوووب)
المقادير الثابتة لـ 1 كيلو دقيق:
- 1 كيلو دقيق (مخصص للكحك والبسكويت).
- 500 لـ 550 جرام سمنة (حسب الرغبة في درجة الذوبان).
- ملعقة كبيرة ريحة كحك، 2 ملعقة كبيرة سمسم، ملعقة كبيرة خميرة، ملعقة سكر، ورشة ملح.
- نصف كوب مية دافية (المية بتخليه يعيش أكتر من اللبن).
- على الساخن (طعم زمان): تقدحي السمنة لحد ما تطلع دخان بسيط، وتنزلي بيها على الدقيق والسمسم (تسمعي التشّ)، دي بتخلي الكحك يعيش معاكي شهور.
- على البارد (خفيف على المعدة): تضربي السمنة وهي خارجة من الثلاجة مع السكر البودرة لحد ما تبقى كريمي، وبعدين تبسّي الدقيق.
- كحك الجواهر: هو كحك عادي بس بنضيف للعجينة “مكسرات مجروشة” (عين جمل أو لوز) وبنلفها كور صغيرة وشكلها بيبقى زي الجواهر من غير منقاش.
- الحشوات (العجوة والملبن): السر إنك تعجني الملبن أو العجوة بملعقة سمنة ورشة سمسم وكوريهم كور صغننة قبل الحشو عشان م ينشفوش جوه الفرن.
🥨 ثانياً: بسكويت النشادر والبرتقال (مقادير بالمللي)
مقادير 1 كيلو دقيق:
- 1 كيلو دقيق + 10 جرام بيكنج بودر.
- 350 جرام سكر بودرة منخول.
- 320 جرام سمنة باردة.
- 4 بيضات + فانيليا.
- بسكويت النشادر: ذوبي ملعقة كبيرة ممسوحة نشادر في نصف كوب لبن دافئ وضيفيهم في الآخر.
- بسكويت البرتقال: استبدلي اللبن بنصف كوب عصير برتقال فريش، وضيفي ملعقة كبيرة “بشر برتقال” ناعم وأسانس برتقال.
⚠️ السر: العجن الكتير بيخلي البسكويت يعضم، لفي المكونات بس لحد ما تختفي!
⚪ ثالثاً: الغريبة (السهل الممتنع)
قاعدة (4 – 2 – 1) اللي مبيخرش المية:
- 4 كوب دقيق.
- 2 كوب سمنة (لازم تكون ساقعة من الثلاجة).
- 1 كوب سكر بودرة.
- التريكة: اضربي السمنة والسكر لحد ما يبقوا “فوم” زي الكريمة، وضعي لوزة أو فص لولي في النص، وادخليها فرن هادي جداً (140 درجة) عشان متبصمش.
🌸 رابعاً: البتيفور المظبوط جداً
- 1 كيلو دقيق.
- 750 جرام زبدة نيوزيلاندي (باردة).
- 3 بيضات كاملة (لو عايزاه متماسك) أو 3 صفار بيض (لو عايزاه دايب جداً).
- 250 جرام سكر بودرة.
- السر: اضربي الزبدة لحد ما لونها يبقى أبيض تماماً قبل ما تضيفي أي حاجة.
🥥 خامساً: الجوزية (عين الجمل)
- 2 كوب دقيق + نصف كوب نشا.
- نصف كوب سكر بودرة.
- 200 جرام زبدة طرية.
- بيضة + فانيليا + ملعقة صغيرة بيكنج بودر.
- الحشو: مربى حليب (توفي) أو نوتيلا، وقفلي كل نصين مع بعض.
🛒 نصائح ذهبية لشراء المستلزمات:
- الدقيق: لازم مكتوب عليه “للكحك والبسكويت” أو استخراج 72%.
- السمنة: الكحك يعني سمنة بلدي، لو مش متاحة استخدمي نوع نيوزيلاندي نضيف، وابعدي عن السمنة المهدرجة عشان الطعم.
- السكر: لازم يكون منخول مرتين عشان ميبقاش فيه حبيبات تبوظ ملمس العجينة.
- المناقيش والقوالب: جربي في قطعة واحدة قبل ما تشكلي الكمية كلها عشان تتأكدي إن الرسمة ثابتة.
يا رب يجعل بيوتكم دايماً مليانة بالخير والفرحة! 🌙✨
لو عجبك البوست، اكتبي “تم” في كومنت وشاركيه مع صاحباتك عشان الكل يستفيد! 👇
صلوا على الحبيب المصطفى صلى الله عليه وسلم
رمضان حلمي
