في حادثة من كم يوم حصلت لطفلة عندها 12 سنة تم خدش طفولتها من جار بالذكاء الاصطناعي- من القليوبية
طفلة والدها ووالدتها منفصلين والبنت كانت قاعدة مع والدتها، ولما مقدرتش تصرف علشان الدراسة والمصاريف بعتت البنت من كم أسبوع تقعد مع والدها … وهم كلهم العائلتين قرايب والبلد بتحكي عن أخلاقهم
البنت راحت تزور والدتها فقالت لها احضنيني أنا خايفة .. بتقولها مالك حصل إيه !!
البنت خايفة تتكلم .. ومشيت البنت وهي ساكتة من الخوف
▪️ خال الطفلة بيقول: كان ماشي في البلد وحد جارهم نادى عليه وقاله في حاجة عايزة اوريهالك ومحرج منك .. وبعت له فيديوهات على الواتس
وقاله فيديوهات بنتكم منتشرة في التليجرام ومع العيال الصغيرة
راح خال الطفلة بلغ أخته .. ودخلت الأم وشافت الفيديوهات اللي صدمتها، لكن قدرت الأم تتكلم مع بنتها وتفهم منها اللي حصل لها بالتفصيل من غير أي خوف وادتها ثقة في نفسها علشان محدش يأذيها وتجيب حقها
وعملوا محضر بالواقعة وتولت الجهات المعنية التحقيقات
📛 المتهم: صاحب محل بقاله في عمر الثلاثينات
المحل فيه كاميرات مراقبة، قام المتهم بتصوير الطفلة بهاتفه المحمول وهي ماشية في الشارع مرة
وبعدين نادى عليها وقالها “تعالي شوفي أنا صورتك صورة، الطفلة قالت له أيوة، قالها بصي
كده صورتك بقت وأنت عريانة”
عمل تعديل على الصورة بالذكاء الاصطناعي
ومن بعدها بدأ يهددها قالها لما أقولك تيجي .. تيجي علطول وإلا هخلي أمك وأهلك يشوفوا صورتك وهتموتك
🔸 الأم بتحكي كيفية الاعتداء على بنتها بتقول:
وهي رايحة تشتري حاجة من المحل تأخذها المدرسة تأكلها
الرجل اعتدى عليها في المحل بتاعه ورفع عليها سكين قالها لو تكلمتي هموتك
وهنزل صورك على النت لو مجتيش دلوقتي أمك هتموتك واهلك لما أوريهم صورتك … فالبنت خافت
اعتدى المجرم على البنت من خلال تصويرها عارية داخل المحل وهو خلف الهاتف بالسكين بيأمرها تقول كلام وتعمل أفعال
وبيقوم بتجميع الفيديوهات اللي صورها مع المقاطع اللي تم التقاطها من خلال كاميرات المراقبة وبيركبها على بعض مع الذكاء الاصطناعي وبيعرضها على التليجرام وبيبعها
📛 المتهم عنده قناة على التليجرام نشر عليها فيديوهات الطفلة، وعليها فيديوهات اخرى لضحايا أخريين من نفس المنطقة ومحدش كان بيتكلم وفقا لكلام والدة الطفلة
وأن المباحث اخدوا الكمبيوتر وجميع ما يستخدمه وكان عليها مقاطع اخرى لضحايا أخريين
💥 والدة الطفلة بتقول هي اتكلمت علشان تأخد حق بنتها والبنت ترفع رأسها في البلد والمتهم يأخد عقابه، وأن جهات التحقيقات كانوا سبب أنها تهدأ وتطمئن وهم بيتعاملوا معاهم وبأن بنتها هتأخد حقها منه،
أما الناس اللي حصلهم كده قبل بنتها ليه سكتوا … هي لحقت بنتها في الأول والطفلة سليمة مفيهاش أي حاجة .. لكن حقها وتشويه لطفولتها وسمعتها .. لابد يأخد المجرم عقابه وعن كل الأطفال اللي انتهك طفولتهم بتشويه سمعتهم باستخدام صورهم وعمل فيديوهات عليها بالذكاء الاصطناعي
منال سعيد
