الملاك البريء اللي ملهاش ذنب دي غير أنها اتولدت في وقت معدوم فيه الرحمه والاحساس
اترمت في منور أحد المنازل ومن ارتفاع كبير يحتمل من فوق سطوح البيت وملفوفه بأحكام في بطاطين عشان ميطلعلهاش صوت
مشيئة ربنا سبحانه وتعالي أن البطاطين تتعلق علي ارتفاع متر تقريبا قبل الاصطدام بالأرض عشان تنزل علي الارض نزول آمن بإصابات سطحيه طفيفه برحمة ربنا وفضله
عشان السكان يسمعوا صوتها ويقدروا يخرجوها من المنور
شاب محترم اسمه عادل جري بيها ع المستشفى
وربنا اكرمنا واستقبلناها وربنا قدرنا وانقذناها لأنها كانت في حاله سيئه جدا
الملاك القمر دي انا سميتها نجاة … ربنا سبحانه وتعالى رزقها رحمته ونجاها عشان تكون دليل قدام عنينا علي قدرته وارادته إن أراد شيئا أن يقول له كن فيكون
وتكون كمان دليل قدام عنينا الكائن البشري وصل من القسوه والبشاعه لحد فين
نجاة لا تزال تحت العلاج محتاجه منكم دعوات كتير عشان تكمل حياتها وتقدر أن تواجه مستقبلها اللي أصبح بدون مستقبل من غير اي ذنب ارتكبته
