نط في الميه من غير ما يفكر.. عشان ينقذ ولاد الناس

“نط في الميه من غير ما يفكر.. عشان ينقذ ولاد الناس 💔”
كان يوم عادي جدًا بالنسبة لـ خليل عياد رايح يجيب سمك يبيعه ويرجع بيته..لكن القدر كان كاتب له حاجة تانية.فجأة سمع صريخ، وشاف تروسيكل مليان تلاميذ قلب في المصرف،أجساد صغيرة بتغرق، وأصوات بتستغيث،ومن غير تفكير.. قلع جلابيته ونط في الميه.المنظر كان صعب، بس قلبه كان أقوى.واحد ورا التاني، يطلّع طفل ويدوّر على غيره،لحد ما أنقذ حوالي 11 تلميذ بإيده وبشهامته وفى طفله مقدرش يلحقها وتوفت ربنا يصبر والديها.
قال بعدها بهدوء:”معرفش عملت كده إزاي.. بس دي كانت حاجة من عند ربنا.”في زمن الناس بتتفرج،لسه فيه اللي بيدخل ينقذ..
من غير كاميرا، ومن غير تصفيق ❤️ #بطل_أسيوط
#الشهامة_لسه_عايشة