لو عايزة تعملي طاجن المكرونة بالفراخ زي بتاع محلات الكشري وأحلى كمان، ركزي معايا بقى 😋

لو عايزة تعملي طاجن المكرونة بالفراخ زي بتاع محلات الكشري وأحلى كمان، ركزي معايا بقى 😋

🔸 المقادير:

كيس مكرونة مسلوقة نص سلقة

200 جرام صدور فراخ مقطعة مكعبات

بصلية كبيرة مفرومة

4 معالق زيت

2 ورق لورا

فلفل حار (اختياري) 🌶

كوبين عصير طماطم + معلقة صلصة

معلقة كبيرة سكر

معلقة خل

2 فص ثوم مهروس

معلقة صغيرة بهارات فراخ

ملح وفلفل أسود

كوب ميه سخنة

🔸 الطريقة:
في طاسة سخنة، ننزل بالزيت والبصل المفروم مع الفلفل الحار، ونقلب لحد ما يدبل.
ننزل بمكعبات الفراخ مع رشة ملح وفلفل وبهارات ونقلب لحد ما تاخد لون حلو 🤩 ونحط ورق اللورا.

في حلة تانية، نسخن معلقتين زيت ونحط الثوم المهروس، وبعدها عصير الطماطم والصلصة والسكر والخل، ونظبط الملح والفلفل ونسيبها تتسبك على هادي.

نجيب الطاجن السخن 🥘
في القاع نحط خليط البصل والفراخ، فوقه المكرونة المسلوقة، ونغطي بالصلصة، ونضيف كوب ميه سخنة خفيف كده عشان المكرونة تكمل سواها.

نغطي الطاجن بورق فويل، وندخله فرن سخن على 200 لحد ما يوشّه يحمر والريحة تهيّج الجيران 😍
قدميه سخن مع سلطة خضرا ومخلل… وقوليلنا مين محتاج ياكل في محل بعد كده؟ 😉
متنسوش اذكروا الله وصلوا على الحبيب المصطفى