والد الشهيد البطل “ باسم شبل ” بكلمات تنــ زف من القلب قبل القلم … في لحظة وداع مكنش يتمناها لكنه وقف يسلّم روحه لربنا .. فكتب والده :

والد الشهيد البطل “ باسم شبل ” بكلمات تنــ زف من القلب قبل القلم … في لحظة وداع مكنش يتمناها لكنه وقف يسلّم روحه لربنا .. فكتب والده :
⸻
دلوقتي بس يا باسم
أقدر أقولك من غير ما أكذب على قلبي :
هتوحشني أوي يا ضهري وسندي ..
مكنتش مصدّق 
كنت كل لحظة مستني صوتك ، ضحكتك ، حتى همسك .
بس خلاص … سلّمت .. وعرفت إنك كنت من الناس اللي ربنا اختارهم،
الناس الطاهرة اللي مكانها مش هنا … مكانها فوق ، في الجنة 🌿

يا أنقى قلب عرفته في حياتي …
فراقك جحيم ، بس قلبي راضي ، لأنك استشهدت وأنت راجل، بطل ، واقف زي ما الرجالة بتقف .

عارف يا باسم؟
وأنت بتقول : معاك يا فندم
مكنتش بترد بس كنت بتبعت رسائل ما فهمناهاش وقتها …
“معاك يا فندم وأبويا هيتكسّر قلبه”
“معاك يا فندم وأمي هيتولع جواها نار”
“معاك يا فندم وأخويا هيتكسر ضهره”
“معاك يا فندم وانت بتودّعنا من غير ما نعرف”

بس كمان … معاك يا فندم
وأنت بتختار تكون شهيد ، بطل … مش أي حد يقدر يوصلها 💔
يا أجمل عريس في الجنة
يا ابني ، يا ضي عيني ، يا قطعة من روحي …

استودعتك عند اللي خلقك ، اللي أحنّ عليّ منك ومني .
مع السلامة يا أعز ما جابته لي الدنيا …
في الجنة يا حبيبي … واحنا وراك بإذن الله