كبدة الدجاج بالبصل والفلفل “أكلة الـ 10 دقايق” 🤤🥘🌶️
المقادير:
نصف كيلو كبدة دجاج طازة (مغسولة كويس ومصفاة ومقطعة).
3 بصلات كبار مقطعين جوانح.
2 فلفل رومي وفلفل حامي (اختياري) مقطع شرايح.
4 فصوص ثوم مفروم.
ملعقة كبيرة خل.
ملعقة كبيرة دبس رمان (اختياري بس بيفرق في الطعم جداً).
عصير نصف ليمونة.
البهارات: (ملح، فلفل أسود، كمون، كزبرة ناشفة، رشة قرفة).
سمنة أو زيت للتحمير.
👩🍳 الطريقة:
في طاسة كبيرة على نار عالية، سخني السمنة أو الزيت كويس جداً.
نزلي كبدة الدجاج المقطعة والمصفاة في الطاسة (متنزليش الكمية كلها مرة واحدة عشان ما تنزلش ميتها)، وسيبيها لحد ما لونها يتغير وتتماسك.
وسعي مكان في نص الطاسة ونزلي الثوم المفروم وشوحيه دقيقة لحد ما ريحته تطلع.
نزلي البصل الجوانح وقلبيه مع الكبدة لحد ما يبدأ يذبل وياخد لون.
ضيفي الفلفل الرومي والحامي وقلبيهم.
ضيفي كل البهارات (ملح، فلفل، كمون، كزبرة، قرفة) وقلبي كويس.
ضيفي الخل ودبس الرمان وعصير الليمون، وقلبي تقليبة أخيرة وغطي الطاسة دقيقتين لحد ما البصل يستوي تماماً وتتشرب كل الصوص.
قدميها ساخنة مع عيش بلدي ساخن ومخلل، وبالهنا والشفا! 🥘🤤🌶️
منال سعيد
رمضان حلمي
