عشان تعرف اننا ماشيين غلط وكل حاجة غلط في غلط
إمام عاشور في موقفه الشهر أثناء السفر لـ تنزانيا وتخلف عن السفر مع البعثة
تم توقيع غرامة عليه واستبعاده لمدة أسبوعين، لحد هنا جميل حتى لو اختلفنا على العقوبة لكن انت خد قرار
طبيعي بعد موقف زي ده عمره ما حصل في تاريخ الاهلي هتطبق العقوبة بحذافيرها ويمكن اكتر كمان، لكن حصل العكس
اول ما امام رجع من الاستبعاد شارك بشكل أساسي على طول وركب على الناس اللي كانت بتلعب أساسي بغض النظر عن مستواهم، وده كان غير متوقع، لان كلنا توقعنا انه مش هيرجع التشكيلة الأساسية بسهولة تاني
لحد هنا وبس؟ لا، اتاخد قرار ان خصم المليون جنيه يتم خصمه على كذا شهر من مرتبه بعد ما كان هيتم خصمه في اول شهر!! تخيل بتطبطب على لاعب بالشكل ده قصاد موقف محصلش في تاريخ النادي قبل كدة !!
الطبطبة والدلع اخرتهم وحشة، ودي النتيجة الطبيعية والمتوقعة نتاج الفترة اللي فاتت اللي كلها تخبطات ادارية وفنية وكاد تكون الاسوأ في تاريخ النادي
رمضان حلمي
