مين قال إن البيتي فور لازم زبدة علشان يطلع فخم؟!لوعايزه تعمليه بالسمنه بتخافي يطلع ناشف أو يفرد منك… صح؟ 🤔

مين قال إن البيتي فور لازم زبدة علشان يطلع فخم؟!
لوعايزه تعمليه بالسمنه بتخافي يطلع ناشف أو يفرد منك… صح؟ 🤔
الحقيقة إن البيتي فور بالسمنة ممكن يطلع ناعم ودايب زي المحلات بالظبط، والسر مش في الزبدة بس… السر في المقادير المظبوطة وطريقة التحضير.
النهارده هقولك طريقة بيتي فور اقتصادي بالكيلو وبالكوب مع شوية أسرار بسيطة تخليه يطلع هش وناعم وطعمه ملوكي ومحدش هيصدق إنه معمول بالسمنة 👌✨
اكل زمان مع شيف ايمان
📝 المقادير )

• 1 كيلو دقيق مخصص للمخبوزات
• 800 جرام سمنة
  ≈ حوالي 4 أكواب إلا ربع
• 250جرام سكر بودرة منخول
  ≈ حوالي 2 كوب الا معلقه كبيره
• 2صفار بيض + 2 بيضة كاملة
• 2 ملعقة صغيرة فانيليا
• ½ ملعقة صغيرة ملح
• 1 ملعقة كبيرة نشا
  (سر النعومة والهشاشة)
  اكل زمان مع شيف ايمان
  👩‍🍳 الطريقة
  1️⃣ نضرب السمنة الباردة من التلاجة مع السكر البودرة بالمضرب الكهربائي لحد ما الخليط يبقى كريمي فاتح ومنفوش.
  2️⃣ نضيف البيض والفانيليا ونضرب خفيف لحد ما يختفوا.
  3️⃣ نضيف الدقيق + النشا + الملح منخولين ونلم العجينة بخفة من غير عجن.
  4️⃣ لو هتستخدمي كيس حلواني نخلي العجينة طرية شوية.
  لو ماكينة البيتي فور ممكن نزود ملعقة دقيق.
  5️⃣ ندخل العجينة التلاجة 10 دقائق قبل التشكيل.
  6️⃣ نشكل البيتي فور في صاج.
  7️⃣ يدخل فرن 170 درجة لمدة 10 – 12 دقيقة
  لحد ما ياخد لون ذهبي خفيف من تحت
  لو عايزه بيتفور شيكولاته بتزودي معلقتين كاكاو خام ومعلقه سمنه علي جزء من العجينه وتقلبيها
  اكل زمان مع شيف ايمان
  💡 أسرار نجاح البيتي فور بالسمنة
  ✔️ السمنة تكون باردة مش سايحة
  ✔️ ضرب السمنة والسكر كويس = بيتي فور هش
  ✔️ إضافة معلقة نشا تخليه ناعم زي المحلات
  ✔️ لو سمنة نباتي:
  ضيفي ملعقة لبن بودرة + نقطتين أسانس حليب 🥛 #
  ✔️ بعد التشكيل دخلي الصاج التلاجة 5 دقايق قبل الفرن علشان النقشة ما تفردش في الفرن

لو عايزه الطريقه فيديو قوليلي في التعليقات 🤗
وكل عام وانتم بخير 🎉💓
صلوا على الحبيب المصطفى صلى الله عليه وسلم